سامعني؟
ولا عايز أعلي صوتي أكتر؟
واضح كلامي؟
فاهمني؟ ولا عايز أعيد تاني؟
بمشي وراك في كل حته
بعمل كل خطوة بتعملها..
سامعك في كل كلمة
أنا هنا .. دايماً هنا.
مش بسيبك.. ومش هسيبك!
لأني لو سبتك.. ههينك!
أنا.. أنا الشبح اللي جواك..
أيوه أنا اللي عاملك إزعاج!
أنا.. أنا الصديق اللي بينقذك لما تغرق..
أنا لما بتضيع بسوِّد الدنيا في وشك!
وممكن اكسَّرها فوق دماغك..
يمكن تصحى..
وتسمعني تاني.
أنا.. أنا الطفل اللي مكبرشِ.
أنا المراهق اللي معقلشِ.
أنا الأم اللي مولدتشِ.
أنا.. أنا ضميرك اللي صاحي
ويمكن موِّته.
أنا ضميرك اللي واعي
ويمكن أجهلته.
بص لنفسك!
عارف أنت مين؟ أنت نفسك!
ومش هتبقى غير نفسك..
وأنا صاحبك.
هتسمعني؟
Advertisements
