20

  عشرين سنة.. في عدد السنين مش كتير.. يعني عشرين سنة دي هتبقى ربع عمرك.. منهم 3 أو 4 سنين هي فعلاً اللي تتحسب والباقي.. الباقي طفولة بريئة ( أو متشردة..) انت مش بتتحكم فيها ولا في نفسك.. يعني من الآخر: معندكش اختيارات.

عشرين سنة .. السن. مش قليل.. هي فترة بيتغير الإنسان كلياً.. مش شرط شكلك (يعني مش زي فترة المراهقة لما الولاد بيطولوا فجأة وصوتهم بيبقى  بيخوف).. وانما بتلاقيك بتتغير من جواك..

أكتر حاجة لاحظتها انها اتغيرت فيَّ في السنتين اللي فاتوا تحديداً هي دماغي.

دماغي اللي في يوم من الأيام كنت بعتزّ بيها قدام زميلي في المدرسة .. المعلومات العامة اللي كانت عندي.. وكدة يعني..

في السنتين اللي فاتوا تحديداً بدأت أعرف حاجات كتير أوي جديدة وقابلت ناس وخبرات مختلفة أوي.. والثورة قامت والناس هاصت في السياسة وبقينا نسمع مصطلحات غريبة زي فلول وليبراليين واسلاميين ..

دماغي فتحت.. زي الورد كده.. بس كل لما تفتح أكتر اكتشف ان الدنيا أوسع بكتير مما تخيلت.. العالم واسع بشكل يخوِّف! في كل مجال في علوم وبحار وأنهار وأنفاق وخوازيق بردو!

ولا شك ان الكلية كان ليها تأثير كبير.. أنا بدرس عمارة..  المجال الوحيد تقريباً اللي بيجتمع فيه الشرق والغرب في الدراسة وطبيعة المواد. ومش قصدي اليابان وأمريكا خالص.. ولكن الفيزياء والتاريخ والكمبيوتر والتكنولوجيا والإنشاء والمنهج كله.

من الآخر يعني عمارة دي عبارة عن كل العلوم التانية نجمعها مع بعض علشان نعمل فيلا أو شقة سيادتك.

بس أنا مش عايزة أرسم فلل وبيوت.

عرفت كمية أسماء لمتاحف ومباني وأبراج ومدن وجوامع وكنايس خرافية.

عرفت حاجات وكل حاجة أعرفها اكتشف اني بس بذوق من مية بحرها.

من الآخر: لما قربت أتم عشرين سنة اكتشفت اني جاهلة أوي.

ملاحظة: أنا عندي عشرين سنة.

Counting down..

They Held Me Captive..


They drew the limits,
They held me captive,
Took away my senses,
Spoke my name.
They laughed at torture
They smiled at my pain
they deleted identity
And I became a number
In their massive jail.

They held me captive
In a dark cell
For my prince, I wait.
On its walls I write down
This poem.
Enough of the darkness,
Enough of the wait.
Give me my senses
I need light, I need the sun,
it’s time to shine.. It’s time to shine!
Written in 19/01/2012